النهارده عيد الحب

النهارده عيد الحب
كنت في مكتبه بصور ورق
لقيت واحد شاب
ماسك في ايده جواز سفر كويتي
سالته
... انت كويتي؟
قالي اه
قلتله اكيد هاتطلع فيزا عشان تسافر
قالي اه
قلتله اوربا ولا امريكا ولا دبي هاتحفتفل بالفلنتاين فين؟
قالي في مكه
-
-
........ لم اجد رداً !!!!!!!
-
-
-
-

ياترى انت هاتحتفل بالفلنتين في اي جروب
جروب تامر حسني ولا في جروب سمعونا احلى صلاه وسلام على اشرف الخلق سيدنا محمد

الاغتراب

عارفين اصعب حاجه على الانسان انه يكون متغرب ومش مرتاح ...يعني الواحد يبكي مايلاقيش حد يمسح دمعه صحرا .... احساس بالجفا ... مفيش حد شايفك ولا حد سامعك تبكي ,, تصرخ ... ولا الدموع ... على فكره الموضوع مش ضعف بقدر ماهو شعور باالاحتياج... طبعا مش ضعف بس انا انسان .... عارفين ايه مشكلتي ... مشكلتي اني متمرد ... والتمرد بتاعي ده هو سر شقائي .... بس اعمل ايه مش بيعجبني حالي ودايما باخسر ... بس باخسر عشان اكسب .... الاول كنت باخاف من المواجهه ... وحيد .. انطوائي .... لكن لامفر الحياة مش عايزه الضعيف ولا عايزه الخواف ... عايز اتغير ... دايما بافشل ... ودايما باخسر... بس لازم اتغير ... طبعا انا مش عارف انا باقول الكلام ده ليه ... بس حاسس اني عايز افضفض ... عارقين الانسان اللي عايز ينجح هاينجح والانسان اللي عايز يكون بيني ادم هايكون ... طبعا مافيش حد مرتاح بس التعب اللي بنصنعه احنا بنفسينا بيكون ليه طعم تاني بتحس ان التعب والالم ده بناء يعني تحس انك بتتعب بمذاجك لانه التعب ده اخره هدف انت بتسعى ليه ... مش عارف هايكون فيه ايه الايام الجايه ,,, بس ربنا يستر .... صعب انك تكون في معركه من اجل البقاء ومحدش جنبك... والمعركه دي ماتفرضتش عليك انت اللي داخلها.... لو الامور الفتره اللي جايه مشيت زي مانا عايز هاديعيلكم .... ول مامشيتش زي مانا عايز هاتتستنوني في مطار القاهؤه الدولي قادما دولة الكويت الشقيق... هو الانسان ايه غير كرامه وشوية حاجات فوق بعض.... ممكن نسلم ونعيش  ماكل الكائنات الحيه عايشه ... ناكل ونشرب ونام ... وممكن نصنع لنفسينا كيان وحياه وكرامه .... على فكره اصعب حاجه ع الانسان انه يكون بني ادم ...اكيد كلنا بني ادمين بس فيه بني ادمين درجه اولي سوبر ستار ... تعب وعمل لنفسه كيان ووضع وبرستيج طبعا الناس دي مش احسن منينا ... الناس دي عملت لنفسيهاكيان وبقيلها تمن مش رخيص ,,, عنده مبدا اكون او لا اكون ... طبعا الكيان ده مش بالساهل انت لو عايز تبني بيت او تتجوز شوف بتتعب ازاي ... فما بالك لما يكون انت ليك كيان .... طبعا موضوع مش ساهل ... اول حاجه تكون في مصاف الاقوياء .. ضعيف هاتتداس ... المعضله في اثبات الذات.... تعبااااااااااااااااااااااااان ... بس اكيد هارتاح لاني انا اللي اخترت التعب (ومن يخشى صعود الجبال يعش ابد الدهر بين الحفر) ... لازم نتعب عشان نرتاح ... الانسان حاجه واحده بس (كرامه).. لو هاتعمل لنفسك كرامه .. (انتهت)... طبعا الغربه دي هي سر الرجوله والاعتماد على النفس ... وبعدين الحياه انسان ... فيه امور ماينفعش فيها التنازل ...بس الثبات صعب وممكن تخسر حاجات كتير ... بس ماينفعش  وممكن يتكون في نظر ناس كتير عادي بس هانعمل ايه ... ياشباب عايزين نكون ... احنا لازم نتعب عشان فيه ناس ورانا ... احنا ممكن يكون جوانا فكر قيادي ... بس مش قياديين ع الطبيعه لان بنخاف .. من المواجهه وبنخاف نتحمل مسؤوليه لازم نغامر ... بس من غير تهور بس لازم نانخافش.. لازم ندوس ع القلب لغاية مايموت ,,,, قلب ميت مابيتهزش ... عشان الامور والحياه لاتحتمل الضعفاء ومفيش حد فينا اتولد راجل ومفيش حد اتولد ناحج ... حياتنا احنا اللي بنصنعها بايدينا لازم من التحدي ولازم من المغامره ولازم على الاصرار انك تكون انسان علي فكره الحياه مافيهاش راحه نتعب بمزاجنا وندخل في صراعات وتحديات نصنعها بنفسينا احسن ماتيجي علينا ومنعرفش نعمل فيها ايه ... كل واحد ليه طموح وجواه هدف وكل واحد على كد تعبه وعلى كدكد السعي بتاعه ... ( وان ليس للانسان الا ماسعى) لازم نسعى ونصنع لنفسينا هدف عظيم عشان تحس انك عايش ون ليك قيمه لان المسؤوليه مش ساهله  والنجاخ مش سهل ( لاتحسبن المجد تمرا انت آكله) لازم نسيب الفيس بوك شويه ونشوف احنا عايزين ايه واحنا فيه وبكره هانكون فين... لو ماتقدمناش هانتاخر والعمر بيعدي... الناس اللي وصلت دي وبقيت نجوم شباك مش احسن مننينا  ربنا خلق لكل واحد قدره وسر للنجاح ... طبعا الظروف بتساعد ناس كتير .. بس الانسان الناجح هو اللي بيصنع الظروف مش هي اللي بتصنعه لازم نتعب ولازم التعب ده يكون بمذاجنا ..... يعني لو عايزين نتعلم السباحه مش هانقعد على الشاطئ ونقول هانتعلم ... لازم ترمي نفسك في حمام سباحه 6 متر عشان ياما تغرق يااما تغرق... الحياه مش عايزه تهاون ... وفيه سياسة لضبط النفس والتاهيل النفسي انك تحط نفسك في امور اكبر منك عشان انت تكبر .. والحياه على فكره مش صعبه,,,, احنا اللي بنشوف الامور صعبه ... واي موضوع بندخل فيه بيكون في اوله صعب بس بعد كده بيكون روتين ... عشان كده لازم نتعب .. لازم نهزم الخوف الموجود جوانا لازم نسيطر على مشاعرنا ونكون احنا اسياد القرار .. مش لازم نتنازل ,,, اللي بيتنازل بس هو الانسان الضعيف اللي بيرضى يعيش زي ماي حاجه عايشه ... بس انت لو عندك بدايل في حياتك اكيد هاتكون انت سيد القرار .... مش اي حاجه تفرض علينا نقبلها او نسلم بيها لازم نقتنع ونقول لا وقت مااحنا عايزين ونقول لا وقت مااحنا عايزين  .... اذا اردت ان تغير العالم من حولك فغير الاول عالمك .... لابد ان تتغير واصعب حاجه على الانسان التغيير .... بس اهو ... ادينا عايشين ولازم  نصنع نفسينا عشان نقدر نصنع بيت ولازم نعرف نربي نفسينا عشان  نعرف نربي اولادنا لانه فاقد الشيء لايعطيه ... لو عايز تصنع جيل عظيم لازم تكون انت عظيم لان فاقد الشيء لايعطيه ... طبعا الكلام كتير ومش هايخلص ... بس اعمل ايه قولت اكيد هاتفهموني ... معلش طولت عليكم بس اهو الواحد بيفضفض...... صباح الفل